Աստվա՛ծ իմ, Դու ինձ ողորմիր, վերականգնիր ինձ ու հանիր ոտքի

Երանի՜ նրանց, ովքեր խորհո՛ւմ են աղքատի մասին, և նրա՛ մասին, ով գլխի վրա ծածկ չունի՛ բնավ: Տերը կփրկի՛ այդ հոգատարի՛ն, կապրեցնի՛ նրան, երկրի վրա կդարձնի նրան երանելի՜ մարդ. չի՛ մատնի նրան ձեռքն իր թշնամյաց: Երբ նա ցավերի մահճի մեջ ընկնի, Տերն իր օգնությամբ կկանգնի՛ կողքին և ե՛տ կվանի հիվանդությունը նրա անկողնուց: Ես ասացի, թե՝ Տե՛ր, ողորմի՛ր ինձ, բժշկի՛ր անձն իմ, քանի որ մե՛ղք եմ գործել Քո հանդեպ:

Թշնամիներս չարությամբ լցված՝ մե՛կ բան են խորհում. այս մարդն ե՞րբ պիտի մեռնի, որ կորչի՛ անունը նրա: Երբ ներս է մտնում քեզ տեսակցելու՝ նենգամի՛տ բան է խոսում սրտի մեջ և կուտակում է անօրենություննե՛ր իր անձի վրա: Եվ դուրս ելնելով նույն նենգ բաներն է խոսում աջ ու ձախ, ու նրա խոսքից ուրախանալով՝ թշնամիներս նո՛ւյնն են շշնջում: Ո՛չ միայն իմ դեմ չար բան խոսեցին, այլև անօրեն խոսքեր ստելով՝ դրեցին վրաս, թե՝ ի՛նքն է ասել:

Եվ ասում էին՝ ննջե՛լ է արդեն, մի՞թե այլևս պիտի արթնանա ու ոտքի կանգնի. և այն մարդը, որ իմ խաղաղության համար էր գալիս և ում վրա ես հո՛ւյս հաստատեցի, որ հա՛ցս էր ուտում, խաբե՛լ սկսեց ինձ հաճախակի: Սակայն, Աստվա՛ծ իմ, Դո՛ւ ինձ ողորմիր, վերականգնի՛ր ինձ ու հանի՛ր ոտքի, և այդժամ պիտի նրանց արածը իրե՛նց հատուցեմ: Եվ երբ իմանամ, որ սիրում Ես ինձ, թշնամիներիս այդժամ չե՛մ թողնի՝ չարաբանելով իմ վրա ցնծան: Որովհետև ինձ՝ անբի՛ծ ժամանակս ընդունեցիր, Տե՛ր, որ ինձ կենդանի՛ պահես Քո առջև՝ հավիտյա՜նս հավետ: Եվ հավիտյանս Օրհնյա՜լ է Աստված, Տե՛րն Իսրայելի. թող լինի՜, լինի՜:

Գրաբարից փոխադրությունը՝ Մաքսիմ Անդրանիկի Ոսկանյանի

Աստվա՛ծ իմ, Դու ինձ ողորմիր, վերականգնիր ինձ ու հանիր ոտքի

Be the first to comment on "Աստվա՛ծ իմ, Դու ինձ ողորմիր, վերականգնիր ինձ ու հանիր ոտքի"

Leave a comment

Your email address will not be published.




ԴԻՏԵԼ